'भिसा गर्ल' युनिटले पुन: नयाँ प्रोमो सार्वजनिक गरेको छ

       सुरुवात देखि नै राम्रो प्रतिक्रिया पाएको फिल्म 'भिसा गर्ल' युनिटले पुन: नयाँ प्रोमो सार्वजनिक गरेको छ ।

 सार्वजनिक गरिएको ३१ सेकेन्डको नयाँ प्रोमोलाई पनि दर्शकले रूचाउने निर्माण पक्षले बिश्वास लिएको छ । सिजी इन्टरटेन्मेण्टको व्यानरमा निर्माण गरिएको उक्त फिल्मलाई प्रचण्डमान श्रेष्ठले निर्देशन गरेका हुन् ।
यही असोज १२ गते देशभर एकसाथ प्रदर्शनमा आउन लागेको सो फिल्ममा प्रचण्डमान श्रेष्ठको निर्देशन र लेखन रहेको छ । उक्त फिल्ममा ऋचा शर्मा, बिनय श्रेष्ठ, कर्मा, रेमनदास श्रेष्ठ, रिमा विश्वकर्मा, सलोनी राजभण्डारी र मेनुका प्रधानलाई  मुख्य अभिनयमा देख्न सकिन्छ । कलाकारद्धय ऋचा र विनय सो फिल्मका सह-निर्माता पनि हुन् ।

लोकेश बज्राचार्यको सम्पादन रहेको फिल्ममा हालको काठमाडौं परिवेशमा बस्ने युवाहरुको सपना र आकांक्षालाई प्रमुख कथावस्तु बनाईएको छ । सो फिल्ममा कालिप्रसाद बाँस्कोटा र कनैहा सिंहको संगीत रहेको छ भने शिबराम श्रेष्ठलेको छायांकन रहेको छ ।

                                                                                                                  -दिल  बहादुर